Sunday, 21 April 2013

جيز كيك

جيز كيك من مطبخ مريم انطوان
مكونات تشيز كيك كانت خفيفة نوعا ما لان خلطت زبد فول سوداني مع الزبد والكمية للزبدة الاولى اكثر وطلعت النتيجة تخبل طعمه غريب واطيب خليت ملعقتين اكل زبد عادي و3 ملاعق اكل زبد الفول


وبالنسبة للبسكت تخلون الي متوفر عدكم اني خليت بسكت ماري 200 غرام


ذوبت خليط الزبد وهيج صار شكله

خلطت البسكت والزبد هيج صار متماسك ورتبته بقعر قالب متحرك


هذا شكله ادخله للفرن بس 5 دقايق حتى يتماسك الزبد مع البسكت


الطبقة الثانية استخدمت موس فراولة بيه قطع فراولة مجففة تقريبا 250 غرام وخلطت وياه حليب الى ان صار رغوه كثيفة وبعدين ضفتله علبه جبن الي مبينه كدامكم طعمه مثل الكيري موجود يم الدي وليدل


بعد ماخفقت الموس والجبن وملعقتين اكل سكر بودر وملعقتين اكل جلاتين تستخدموها حسب الطرق الي مكتوبة يمكم وتوزعوها بقالب وتدخلوها للثلاجة تقريبا 4 ساعات الى ان تتماسك

بعد ماجمد الموس خليت صور فروالة سويت ربع كيلو فراوله وخليتها على الطباخ مع ملعقتين الى 4 ملاعق سكر حسب الحلاة الي تحبوها انتو تتحكمون بيها وتخولن قطرات ليمون حامض وشوية ماي اقل من ربع كوب واتركوها ربع ساعة من تبدي تفور طفوها وضيفو عليها علبة جلي وبعدين ماي بارد يعني نمشي على تعليمات الجلي وخلطتها وخليتها وبعدين ندخلها للثلاجة تجمد ونزينها بالفراولة الفريش مثل ماتحبون


هذا شكل التشيز كيك جانبي











الوصفات الشائعة

counter

Flag Counter