Wednesday, 13 March 2013

دجاجة محشية بالبرغل والخضار

  دجاجه مسحبه من العظم ومحشيه بخضار وبرغل من مطبخ ميمي


 (طريقة سحب العظم موجوده على رابط الفديوهات نزلتها الكم قبل فتره )

  بالصوره ٢ تبلتها بالبهارات ومثل متحبون ماريد احدد بس اني تبلتها بالثوم 

والبهارات وشويه خل وملح وفلفل ... الحشوه كراث - وجزر - وبصل - وفطر - 

وغسلت برغل نص كوب تقريبا - وطبعا اتبلون الحشوه - اما الخضار الي شويتها مع 

الدجاجه هاي اختياري 

هنا صورة ٣  حمس الفطر والكراث والجزر والبصل مع ملح وبهارات

هنا اخر شي ضفت البرغل (ملاحظه لتزيدون بكميه البرغل لان ينفش بداخل الدجاجه


 ويشق الجلد ويخرب منضرها حبايب

هنا صورة ٥  بعد ماحشيتها وبعود الاسنان سديتها والخضار تحت الدجاجه كلها وهنا

 من دخلوها للفرن اول مره على درجه حراره عاليه وبعدها تنقصوها على درجه

 حراره 120 ولازم تغطوها بورق الزبده اول طبقه وثاني طبقة الالمنيوم فويل وتاخذ

 وقت تقريبا ساعه ونص 


وتقدمممممممم و1000 عافيه من ايد ادمونتكم ........ميمي (حبيباتي سر لمعان الجلد هو اخر 5 دقائق تدهنوها بشيلي صوص )
 ‎.‎



الوصفات الشائعة

counter

Flag Counter