Friday, 15 March 2013

الرز بالكلم


الرز بالكلم :لحم عجل مثروم ( آني ثرمته بأيدي ) + بصله كبيرة مثرومة + رز ( 2كلاص ونص ) + كيلو كلم + ملح وفلفل اسود وكركم ونومي بصرة مطحون
------------
هذا الكلم للي ميعرفه
-----------


قشرت الكلم بالسكينة وبعدين حكيته بسكينة منشار حتى يتعدل التقشير
----------
حمست البصل بالزيت
---------
لما اشقر لون البصل خليت اللحم فوكاه وحمستهم سويه الى ان استوى اللحم
-------------
هنا اللحم انحمس ويه البصل
-------------
خليت الكلم والملح ( 2 ملعقة كوب ممسوحة ) وملعقة كوب واحدة كركم
-------------

وتضاف ملعقة كوب ممسوحة فلفل اسود ونغطي الجدرية ويترك الكلم يطبخ ( بدون اضافة ماء ) ويذب ماءه على بخاره حوالي نصف ساعة وعلى اصغر عين عالطباخ ونار هادئه جدآ وحتى يستوي وينشف من الماء ويحمس بالاخير نضع ملعقة كبيرة ومليانه مسحوق نومي بصرة ونقلبه عالنار دقايق وبعدين نرفعه عن النار
------------------

نحضر التمن ونقعت 2 قدح ونص بالماء وحضرت الجدريه عالنار لمن يفور اخلي التمن فوكاه ( بزل التمن )
----------------


هنا غلى الماء بالجدريه وبعد مخليت 3 ملاعق كوب مليانه ملح وصفيت التمن مي ماء النقع بالمصفي وخليته فوق الماء المغلي فد 5 دقايق يغلي اذوق حباية التمن اذا لانت ( بس لازم بيهه شوية قوة ) يعني مو كلش لينة تكون اصفي التمن بالمصفي من ماء السلق
-------------
هنا التمن صفيته من الماء بالمصفي
------------
وضعت بأسفل لجدرية شوية زيت عالنار
--------------
وضعت نصف  كمية التمن بالجدرية
--------------
بعدين خليت كل الخلطة فوك التمن
---------------
واخيرآ نص التمن الباقي خليته وخليت نص استكان ماء فوك الخلطة وغطيت الجدر على نار هادئه دقايق لمن استوى على بخاره
-----------------
بعد ماستوى نخلط المواد كلهه سويه قبل التقديم
---------------
يقدم مع السلطة 

الوصفات الشائعة

counter

Flag Counter