Friday, 15 March 2013

كيكة الجوز والزبيب والايسنج شوكر



مساء العسل والورد والياسمين على احلى كروب واحلى بيج بالعالم .... كيكة الجوز والزبيب والايسنج شوكر على طررررريقة ادمونتكم ..ميمي... 
مقادر:- 2 كوب طحين - 4 بيضات - 1 كوب جوز - 1كوب زبيب او كشمش - 1كوب حليب - 100 غرام زبد - كوب ونص سكر - 1 ملعقة اكل بيكنج باودر - ملعقة شاي بيكربونات الصودا - ملعقة شاي ملح - ا ملعقة كوب قرفه مطحونه - 1 ملعقة اكل بودرة الكاكاو - 1 ملعقة كوب هيل مطحون نفس الشي ملعقة فانيلا -
مقادير :- الايسنج شوكر - 1 كوب سكر بودره - ربع كوب كريمه سائله وملاحظه انتو خلو يم ايدكم اكثر من كوب سكر بودره لان ممكن تحتاجون اكثر وكل سكر يختلف عن الثاني حسب النوعيه : مقادير لكريمه حسب ما ترغبون من الشوكلاته اني هنا خلطت شكولاته عاديه مع الشكولاته البيضه مقدار كوب ونص مع ربع كوب كريمه نغلي لكريمه على النار ونصبها على الشوكلاته الى ان تسيح وننتظرها تبرد ونزين بيها -- يله خلينه اني وانتو نشوف الخطوات من مطبخي سوه .....ميمي
----------


الجوز تثرموه بالسكينه افضل شي وهنا نبداء رحلة الكيكه وياكم حبايب

-----------
الزبيب - او الكشمش
-----------
هنا نخلط الزبد الي بدرجة حرارة الغرفه مع السكر
----------

هنا نضيف البيضه وحده --- وحده ونستمر بالخفاق الخلط
------------
هنا نخلت كل المواد الجافه حتى الهيل نخلته فو السائل الكيكه
------------
هنا شكل العجينه لاخفيف ولا ثخين
-------------
هنا خلطت الجوز والزبيب بالسباتولا مو بالخلاط لان منريد الجوز والزبيب يتكسرون
--------------
هنا دهنت القالب بالزبد ورشيته طحين
------------
صبيتها بالقالب وتخبزوها على درجة حراره 160 درجه ومدة الخبز من 35 الى 40 دقيقه
-------------
هذا شكلها من تنخبز
-------------
هنا بعد ما بردت وطلعتها من الفالب لاحظو شلون عدله من فوك ولونها ذهبي
--------------
هنا راح نبدي نحظر الايسنج شوكر وهايه لكريمه
--------------
هنا خلطت السكر البودره مع لكريمه
----------------
هذا شكله لازم يكون ثخين مو سائل
--------------
هنا وزعت الايسنج شوكار
--------------
هنا زينتها بالشكولاته
--------------
هذا شكلها النهائي حبايب وترليووووون عافيه




هنا من داخل الكيكه والجوز والكشمش او الزبيب متوزع بالكيكه مهبط وعافيات من مطبخ ...........ميمي





الوصفات الشائعة

counter

Flag Counter