Wednesday, 6 February 2013

الصمون العراقي



مقادير طحين وملح وخميرة وعجنتها باللبن زبادي مخفف بالماء الدافى

مقادير حسب الرغبة
اهنا سوية
 5اكواب طحين وملعقة ونص كبيرةخميرة فورية
رشة ملح
ملعقة صغيرة سكر
3ملاعق كبيرة لبن زبادي مخلوط بالماء الدافى تقريبا كلها يصير كوب الى كوب وربع وطبعا حسب احتياج العجين
العجينة تكون مو قوية ولا لينة 
اول خطوة اخلط الطحين والملح ضفت الخميرة بوسط الطحين وفوقة سكر وقليل من ماء الدافى وتركته دقائق ترتفع الخميرة

وبعد ماترتفع ابدي اضيف اللبن المخفف بالماء الى ان تكون عجينة وتعجبن جيدا
وهاي عجينة مبينة بالصور تصير مو قوية ولا لينة زيادة بيها طراوة وشوية تلتصق بالايد  اغطيها واتركها تتخمر ساعة ونص بمكان دافئ

بعد مااختمرت اسويها اقراص

رشيت طحين وسويت الاقراص

وهاي الاقراص اغطيها واتركها تتخمر فد نص ساعة
وهاي صورتها  بعد مااختمرت

اسحب من الجهتين باايدي حتى يصير شكل الصمونة
واضغط على الوسط افتحها بهالشكل وهم اغطيها واتركها فد ربع ساعة هسة اسخن الفرن وعلى درجة حرارة عالية 240لحد مايختمر حتى اشويهم

ورى مااختمرت امسح الوجة بالحليب وارش سمسم

اهنا صينية الفرن تكون حارة جداا واشيل الصمون واخلية على كيف واشويهم تقريبا 5 دقائق اكثر شوية انتو راقبوة ينفخ يبدي ويتحمر الفوك

هذا الصمون صار جاهز عافيات

اهم شي حتى ينجح الصمون تكون الخميرة زينة ويتخمر العجين على المراحل اللي شفتوها
والفرن يكون حاررررر

ايمان


الوصفات الشائعة

counter

Flag Counter