Thursday, 7 February 2013

الفسنجون

الفسنجون

اول خطوة حمست 2بصل بقليل من زيت

ضفت على البصل الدجاج واستعملت افخاد دجاج 900غم شلت الجلد منها وغسلتها وضفتها ظليت احمس بيها ونصيت النار حتى يستوي الدجاج بدون اضافة ماء تقريبا نص ساعة

من بدى يستوي ضفت ملح وفلفل اسود ورشة كبابة (بهار حلو) وكركم شوية

 بعد ماااستوى الدجاج واتحمر ضفت كوب جوز مفروم ناعم بست البيت وحمسته قليل مو هواية كم قلبة

ضفت الماء ومايكون هواية بس يغطي الدجاج وبقيتها على النار هادئة نص ساعة

ضفت دبس الرمان تقريبا ربع كوب او اكثر شوية وهم حسب الحموضة اللي تحبوها  ورشة سكر وتتركوه على النار الى ان تثخن الصلصة  وياخذ طعم الدجاج  بهالاثناء نتذوقة ونشوف طعمه وبعد ال15 دقيقة يكون جاهز

وتقدم مع الرز الف عافية





الوصفات الشائعة

counter

Flag Counter