Wednesday, 16 January 2013

خبزعروك



خبز عروك 


خبز عراقي مخلوط باللحم  ومن اطيب انواع الخبز  عادة العراقيين يسووة بالتنور وينطيه نكهة وطعم غير
اهنا سويته بالفرن والطعم لذيذ اكيد صار

المقادير العجينة

3 اكواب طحين
رشة ملح

ملعقة كبيرة خميرة

ملعقة كبيرة سكر
نص كوب تقريبا ماء دافي
3ملاعق او اربع زيت
اول شي نخلط الخميرة مع السكر بنص الكوب المي الدافي ونتركتها لخمس او عشر دقائق  ترتفع الخميرة
بالعجانة  نضيف الزيت وبعدها  الخميرة والماء وبعدها نبدي نضيف الطحين ورشة الملح لحد ماتتكون عجينة قوية نوعا ما نغطيها وبمكان دافئ نتركها تقريبا ساعة تختمر
اذا احتاج اكثر شوية من 3 اكواب طحين ضيفوا شوية لان يختلف نوع الطحين من نوع للثاني
نجي على اللحم والخضروات
اللحم لازم يكون دهين اما مقطع صغار باليد او لحم مفروم
واهنا استعملت المفروم وبيه لية وفرمت وياه بصله ومعدنوس ونص فلفلة حارة وملح وفلفل اسود وشوية بهارات مشكلة وكركم وخلطتهم سوى


بعد مااختمر العجين نضيف خلطة  اللحم ونخلطهم سوى

بالصور مبين بعد ماخلطت اللحم بالعجين سوية وتركتهم تقريبا نص ساعة هم حتى ترجع تختمر وبعد ماااتخمرت ومبينة شكلها بالصور

نرش طحين وبعدها نقطعها دوائر ونفتحها

فتحتهم وفرشتهم على ورق زبدة طبعا قبل ماادخل الفرن احميه يكون الفرن ساخن واشغل الشعلة الفوك والجوة ويكون حرارة عالية وادخله الفرن واشوية تقريبا 3الى 4 دقائق ميطول هواية وانتوا هم شوفوه من يستوي يبين  ويقدم بعدها حار ويخبل مع الشااااااي مااكو اطيب منه والف عافية 
ايمان



الوصفات الشائعة

counter

Flag Counter