Wednesday, 30 January 2013

لحم بعجين

العجينة



3كوب طحين

ملعقة كبيرةخميرة


اقل من ربع كوب زيت

ملعقة بيكنك باودر

 رشةملح

ملعقتين صغار سكر
لبن زبادي 3ملاعق كبار بدرجة حرارة الغرفة
نص كوب حليب دافئ  او ماء
اول خطوة نخمر الخميرة مع السكر بقليل من الحليب او الماء الدافى ومن ناخذ الحليب او الماء من الممقدار نفسة الي موجود بالمقادير
الطحين نضيف اله رشة الملح والبيكنك باودر ونضيف الخميرة ونخلطهم سوى وبعدها نضيف اللبن وكمية الحليب بس مانضيف دفعة وحدة على دفعات مع العجن ونشوف العجينة شكد تحتاج حليب
 نعجنها ونبدي نضيف الزيت وتعجن الى ان تصبح عجينة ملساء وسهلة بالعجن مو قوية ولا لينة
نتركها ساعة الى ساعة ونص تختمر واهنا اختمرت العجين بالصورة
نحضر الحشوة
افرم كل المواد بست البيت بس  ماافرمها هواية 
البصل والفلفل الاخضر ولطماطة  وضفتلها طماطة مجففة تنطي نكهة طيبة وفص ثوم واخلطهم


 احضر اللحم مفروم وبيه دهن شوية واخلطه مع البصل والفلفل والطماطة

وملح وفلفل اسود  ورشة كبابة (بهار حلو )وملعقتين معجون طماطة وملعقتين او 3 دبس رمان اللي مايحب لايضيفها


واخلط الحشوة كلها سوية
سويت العجينة اقراص

فتحت العجينة دوائر وقسم قطعتها على شكل وردة بالقطاعة

وضفت الحشوة مثل ماتشوفون 

والوردة ضفت جبن موزريلا بالاطراف

اتركهم15 دقيقة ترجع ترتاح وادخلها الفرن بحرارة 180 اسخن الفرن قبلها وتقريبا 10 الى 15 دقيقة  واحمر الفوك بعدين


والف عافية 
ايمان(ام حمزة


الوصفات الشائعة

counter

Flag Counter