Sunday, 20 January 2013

كبة بطاطا

اول شي احضر الحشوة وعبارة عن لحم مثروم يحمس وبعدين نضيفلة بصل مثروم ومن يحمس مع البصل نضيف المعدنوس والكشمش واللوز واطفي النار واضيف ملح فلفل اسود وبهارات ودارسين واترك الحشوة تبرد

اسلق البطاطا نص سلقة واتركها تبرد شوية واقطعها واضيف نشا وملح او بقصم واهنا اليوم سويتها ضفت الاثنين نشا وبقصم وانزلها بالمكينة وراها ابدي اسوي الكبة وبالصور الطريقة تبينلكم ان شاء الله

اول خطوة قطعت البطاطا وضفت ملح ونشا وبقصم 

وطبعا الكمية اللي تردون والنشا او بقصم يغطي البطاطا مثل ماتشوفون


نفرم البطاطا بالمكينة

هاي الحشوة والعجين وطبعا ماابلل ايدي هواية من اشتغل حتى العجينة لاتصير لينة وتفتح بالقلي

اخذ قليل من العجينة  واكورها وافتحها واضع الحشوة بيها واسدها وابدي اسد العجين واشكلها 

و شكلها مبين بالصور وقسم سويتها دوائر

نضع زيت بمقلاة عميقة ونسخنه  ونبدي نقلي الكبة ومنحط اكثر من 3 او 4 كبايات بالمقلاة ومن نشوفها تحمرت نقلبها على الجهة الثانية

وهاي بعد مااتقلت اضعها على ورق المطبخ وتقدم بالف عافية
ايمان


الوصفات الشائعة

counter

Flag Counter