Wednesday, 12 December 2012

كبة برغل مقلية















كبة برغل المقلية
اول خطوة نحضر الحشوة عبارة عن 3بصل  مفروم يحمس بقليل من الزيت وبعدها يضاف له750غم لحم دهين ويحمس وياه الى ان يستوي اللحم يضاف البهارات والبهار الحلو والملح والفلفل الاسود والدارسين (قرفة) واني اضيف معدنوس (بقدونس) مفروم 
وصنوبر محمص نترك الحشوة تبرد ونبدي نحضر عجينة الكبة
مقادير العجين


كيلو برغل اسمر
700غم لحم عجل مفروم بدون دهن
بصله كبيرة

رشة بهار حلو
ملح وفلفل اسود ورشة دارسين
ماء

اول خطوة انقع البرغل بالماء طبعا اني مااضيف ماء هواية ارش عليه واخلطه واشوف شكد يحتاج واتركة دقائق وارجع ارشة عليه ماء
مااضيف الماء دفعة واحدة حتى لاتلين عندي العجينة اضيفها على دفعات هاي قصدي بالرش




بست البيت افرم البصلة ناعم واضيف اللحم المفروم وافرمه وياها
اللحم يصير ناعم جدا وينفرم مع البصلة
افرغ اللحم والبصل فوق البرغل واتبلهم بالملح والفلفل ورشة بهار حلو وبهارات مشكلة ودارسين ويخلط سوية واذا اشوف البرغل ناشف ويحتاج ماء اضيف شي قليل
وبعدها نفرمها بماكنة اللحم والعجينة تكون سهلة بالشغل
بعدها ناخذ اقراص صغيرة ونفتحها ونحشيها بالحشوة ونسد العجين مع تفريغها من الهواء الى بداخلها ونضغط على الاطراف
تقلى الكبة بزيت غزير وتقدم بصحة وهناااااا التسلسل موجود بالصور


ايمان






الوصفات الشائعة

counter

Flag Counter